Բալթյան երկրները պատժամիջոցներ են կիրառել Վրաստանի իխշող «Վրացական երազանք» կուսակցության հիմնադիր, պատվավոր նախագահ Բիձինա Իվանիշվիլիի և ներքին գործերի նախարարության (ՆԳՆ) մի շարք բարձրաստիճան պաշտոնյաների նկատմամբ:

Եվրամիության և ՆԱՏՕ-ի անդամ Լատվիայի, Էստոնիայի և Լիտվայի պատժամիջոցները հիմնականում ներառում են մուտքի արգելք: Պաշտոնյաների ցանկը հետևյալն է.

• Բիձինա Իվանիշվիլի,
• Վախթանգ Գոմելաուրի՝ ՆԳ նախարար,
• Շալվա Բեդոիձե՝ ՆԳ փոխնախարար,
• Իոսեբ Ճելիձե՝ ՆԳ փոխնախարար,
• Ալեքսանդր Դարախվելիձե՝ ՆԳ փոխնախարար,
• Իոսեբ Բութխուզի՝ ՆԳ փոխնախարար,
• Զվիադ Խարազիշվիլի («Խարեբա»)՝ Հատուկ առաջադրանքների վարչության պետ,
• Միլերի Լագազաուրի՝ «Խարեբա»-ի տեղակալ,
• Միրզա Կեզևաձե՝ «Խարեբա»-ի տեղակալ,
• Վաժա Սիրաձե՝ Պարեկային ոստիկանության պետ,
• Թեիմուրազ Կուպատաձե՝ Քրեական ոստիկանության պետ:

Դեկտեմբերի 1-ին Լիտվայի, Լատվիայի և Էստոնիայի արտաքին գործերի նախարարները հայտարարեցին, որ իրենց երկրները համատեղ պայմանավորվել են ազգային պատժամիջոցներ կիրառել նրանց նկատմամբ, ովքեր «ճնշում են օրինական բողոքները Վրաստանում»։