«Տեղեկատվության հուսալիություն» կոալիցիան արշավ է սկսում՝ ի պաշտպանություն եվրոպական ինտեգրման։
Արշավի նպատակն է ցույց տալ, թե ինչ շոշափելի օգուտներ կստանա յուրաքանչյուր ընտանիք Վրաստանի՝ Եվրամիությանն անդամակցելուց։ Արշավը ցույց կտա, թե որքան արագ և տեսանելի է սոցիալ-տնտեսական իրավիճակի փոփոխությունը դեպի դրականը Եվրամիությանն անդամակցած երկրներում։
«Հիմա ժամանակն է գործելու լավ բաներ ստանալու համար։ Խոստումների փոխարեն բարեփոխումներ պահանջեք»,- սա է քարոզարշավի գլխավոր կարգախոսը։
Քարոզարշավի շրջանակներում նախատեսված միջոցառումները կհամախմբեն հասարակության տարբեր խմբերի և տեղեկատվական հարթակ կտան՝ իշխանություններից պահանջելու, որ բաց չթողնի ԵՄ անդամակցության թեկնածուի կարգավիճակ ստանալու հնարավորությունը։
«Ախլա» («Հիմա») արշավը մեկնարկել է ապրիլին՝ սոցցանցերում, ինչպես նաև Թբիլիսիի և Վրաստանի այլ քաղաքների գովազդային վահանակներում, ավտոբուսներում և մետրոյում պաստառներ տեղադրելով։
Արշավն իրականացվում է ԱՄՆ USAID-ի կողմից ֆինանսավորվող Zinc Network ծրագրի շրջանակներում:
