Մետրոյի «Ավլաբարի» (Հավլաբար) կայարանի վերականգնման աշխատանքն ավարտելու վերջնաժամկետը կրկին երկարաձգվել է: Փետրվարի 1-ին Ծերեթելիի պողոտայում լրագրողների հետ զրույցում հայտարարել է Թբիլիսիի քաղաքապետ Կախա Կալաձեն:

Ըստ նրա՝ աշխատանքները գարնան փոխարեն կավարտվեն ամռանը։ Հարկ է նշել, որ հունվարից մինչև մարտ երկարաձգվեց նաև Ծերեթելի պողոտայի ամբողջական վերականգնողական աշխատանքների ավարտի ժամկետը։ Փետրվարի 1-ին բացվել է ճանապարհի միայն երթևեկելի հատվածը։

Ի դեպ, վերականգնումը պետք է ավարտվեր շինարարության թույլտվությունից հետո 8 ամսվա ընթացքում, թեև պայմանագրի ստորագրումից անցել է արդեն 18 ամիս:

«Ավլաբարի»-ի վերականգնման համար 4,2 մլն լարի պայմանագիր առանց մրցույթի «Բադա Գրուպ» ՍՊԸ-ի («Բադա Քոնսթրաքշն») հետ կնքվել է 2022 թվականի հուլիսի 17-ին։ Մեկ տարի անց՝ 2023 թվականի հուլիսին, կապալառուի պայմանագիրը երկարաձգվեց մինչև 2024 թվականի մարտի 15-ը։

«Բադա գրուպ» ընկերության տնօրենը 60 հազար լարի է նվիրաբերել իշխող կուսակցությանը։ Նրա սեփականատերը՝ Բաչանա Ադամիան, ունի մի քանի այլ ընկերություններ, որոնք պարզեցված եղանակով, ընդհանուր առմամբ, կատարել են ավելի քան 100 գնումներ։

Նույն ընկերությունն իրականացնում է նաև մետրոյի «Վարկեթիլի» կայարանի վերականգնման աշխատանքները։ Այս դեպքում ևս 13,4 մլն լարիի պայմանագիրը կնքվել է առանց մրցույթի։