Ավարտվել է Բաքու-Թբիլիսի-Կարս նոր երկաթուղային գծի նախագծի շրջանակներում համատեղ ձեռնարկության ստեղծման հետ կապված իրավական և տեխնիկական ընթացակարգը: Այս տեղեկությունը տարածել է Բաքու-Թբիլիսի-Կարս երկաթուղու լրատվական ծառայությունը։
Երկու երկրների միջև ստորագրված միջազգային պայմանագրի հիման վրա «Ադրբեջանի երկաթուղիներ» և «Մարաբդա-Կարծախի երկաթուղիներ» ձեռնարկությունները հիմնել են համատեղ ձեռնարկություն՝ «BTKI Railways» սահմանափակ պատասխանատվությամբ ընկերություն (ՍՊԸ), որը կկառավարի Մարաբդա-Կարծախ երկաթուղային հատվածի ենթակառուցվածքը։
«Բաքու-Թբիլիսի-Կարս նոր երկաթուղային գծի վրացական հատվածի երկարությունը կազմում է 180 կմ, որը ներառում է եվրոպական ստանդարտներին համապատասխան 27 կմ երկարությամբ երկաթգիծ։ Արժե խոսել նաև Ախալքալաքի միջազգային երկաթուղային կայարանի մասին, որն զբաղեցնում է 102 հեկտար տարածք և ներառում է գերմանացի ճարտարապետ Յուրգեն Մեիերի նախագծած կայարանի շենքը և բոլոր տեսակի բեռների համար նախատեսված միջազգային չափանիշներին համապատասխանող բեռնատար տարածքը»,- ասված է հաղորդագրության մեջ։
