Վրաստանից չվերահսկվող Աբխազիայի դե ֆակտո նախագահ Ասլան Բժանիան հրաժարական է տվել, հայտնում են աբխազական լրատվամիջոցները։
Օկուպացված Աբխազիայում ցուցարարները ներխուժել են դե ֆակտո խորհրդարանի շենք։ Բացի այդ, նրանք զբաղեցրել են «նախագահի վարչակազմը»։ Telegram-յան ալիքներում տարածած տեսանյութերում երևում է` քաղաքացիները շենքի միջանցքով շարժվում են առանց դիմադրության։
Telegram-յան Respublica ալիքը գրում է, որ տարածքում իրավապահներ չկան և ոչ ոք չի դիմադրում ցուցարարներին։
Այսօր առավոտից Սոխումիում լարված իրավիճակ է։ Ցուցարարները մեքենայով կոտրել են դե ֆակտո խորհրդարանի դիմացի դարպասն ու մտել տարածք։ Ցուցարարների և անվտանգության մարմինների միջև ֆիզիկական բախում է տեղի ունեցել, նրանք ձվեր ու շշեր են նետել։
Մինչ այդ, դե ֆակտո խորհրդարանում նիստը, որտեղ պետք է քննարկվեր Սոխումիի և Մոսկվայի միջև «ներդրումային համաձայնագիրը», չեղարկվել է։ Նախագծի հակառակորդները հավաքվել էին շենքի մոտ և պահանջում էին չեղարկել վերանայումը, ինչպես նաև դե ֆակտո նախագահի հրաժարականը։
Թբիլիսիի լուռ համաձայնությամբ Մոսկվան անեքսիայի է ենթարկում Աբխազիան. փորձագետներ
