Վրաստանում 2024 թվականի հոկտեմբերի 26-ի խորհրդարանական ընտրություններին ընդառաջ` ընտրողների շրջանում կարող են ծագել տարաբնույթ հարցեր, դրանց թվում, թե ինչպես կարելի է ընտրություններին մասնակցել արտասահմանից։

Թե որտեղ կբացվեն ընտրատեղամասերը` պայմանավորված է Վրաստանի քաղաքացիների թվով. եթե քաղաքացիները շատ լինեն, ապա` ընտրատեղամաս կբացվի։ Ընտրությունների հետ կապված հարցերը, նաև` արտերկրից ընտրություններին մասնակցելու հարցը համակարգում է Կենտրոնական ընտրական հանձնաժողովը (ԿԸՀ):

Նախ` եթե ​​ընտրողը, այլ երկրի քաղաքացիության հետ մեկտեղ, Վրաստանի քաղաքացի է, նա կարող է մասնակցել Վրաստանի ընտրություններին, բայց ընտրություններին մասնակցել կարողանալու համար իր գտնվելու վայրում (արտերկրում) պետք է բացված լինի ընտրատեղամաս դիվանագիտական ​​ներկայացուցչությունում կամ հյուպատոսությունում։  Արտերկրում Վրաստանի դիվանագիտական ​​ներկայացուցչությունների ցանկին կարող եք ծանոթանալ այստեղ։

Ընտրություններին արտերկրից մասնակցելու համար անհրաժեշտ է.

ա) լինել հաշվառված կամ հաշվառվել հյուպատոսությունում,

բ) մինչև հոկտեմբերի 7-ը գրանցվել ընտրատեղամասում, որը բացվում է քվեարկությունից 30 օր առաջ (սեպտեմբերի 26-ին) Վրաստանի դիվանագիտական ​​ներկայացուցչություններում և հյուպատոսություններում։

Ինչպես ստուգել` ​​հյուպատոսական գրանցում ունեք, թե` ոչ

Հյուպատոսական ռեգիստրում գրանցված լինելու մասին տեղեկությունների ստացման համար պետք է այցելել արտաքին գործերի նախարարության կայքը կամ դիմել բնակության երկրում Վրաստանի դիվանագիտական ​​ներկայացուցչություն կամ հյուպատոսություն:

Ինչպես  դիմել հյուպատոսական գրանցման համար

Հյուպատոսական գրանցումը հնարավոր է.

• geoconsul.gov.ge կայքի միջոցով,
• դեսպանություն/հյուպատոսություն ներկայանալու միջոցով,
• Փոստի միջոցով:

Հյուպատոսական հաշվառման հրահանգներին հարկ է ծանոթանալ Վրաստանի արտգործնախարարության էջի միջոցով։

Հնարավո՞ր է քվեարկել այլ հյուպատոսությունում/դիվանագիտական ​​ներկայացուցչությունում, եթե հաշվառված եք մեկ այլ տեղ:

Հնարավոր է քվեարկել Վրաստանի այն դիվանագիտական ​​ներկայացուցչություններում և հյուպատոսություններում, որտեղ հաշվառված եք, և որտեղ ընտրատեղամաս կա բացված։

Ինչ փաստաթղթեր են պահանջվում քվեարկելու համար

Ընտրությունների օրը քվեարկությունը հնարավոր է միայն`

• Վրաստանի քաղաքացու վավեր/գործող անձնագրով կամ ID քարտով,
• անձը հաստատող փաստաթղթով,
• Քվեարկությունն արգելվում է այլ փաստաթղթերով կամ վերը նշված փաստաթղթերի պատճեններով: