Սահմանափակումներ են մտցվել Վրաստանից չվերահսկվող Ցխինվալին Վլադիկավկազի հետ կապող ճանապարհին։ Դե ֆակտո Ցխինվալիի արտակարգ իրավիճակների նախարարությունը բեռնատարների վարորդներին կոչ է արել օգտագործել հակասողանքային շղթաներ։ Արդեն երկրորդ օրն է, ինչ ինտենսիվ ձյուն է տեղում Ռոկի թունելի մոտ, որտեղ էլ սահմանափակումներ են սահմանվել։

«Տրանսկովկասյան ավտոճանապարհին ձյուն է տեղում։ Բեռնատարների վարորդներն առանց շղթաների չեն կարող տեղաշարժվել»,- հայտնել են դե ֆակտո արտակարգ իրավիճակների նախարարությունից։

Վրաստանից չվերահսկվող Ցխինվալի շրջանը Ռուսաստանի հետ կապված է միակ ճանապարհով, որն անցնում է լեռնային տեղանքով, որի երկարությունը 164 կմ է։