Կորոնավիրուսի հարցով միջգերատեսչական խորհրդի որոշման համաձայն՝ Վրաստանում ուսումնական հաստատություններում արձակուրդները երկարաձգվել են մինչև ապրիլի 1-ը: Այս մասին հաղորդում է կառավարության լրատվական ծառայությունը:
«Վարչապետի գլխավորությամբ կորոնավիրուսի հարցերով միջգերատեսչական համակարգող խորհուրդն անցկացրեց հերթական հանդիպումը:
Այսօր խորհրդի անդամները նոր որոշումներ են կայացրել երկրում կորոնավիրուսի տարածմանն ուղղված կանխարգելիչ միջոցառումների շրջանակներում.
- Ամբողջ Վրաստանում կրթական հաստատություններում հայտարարված արձակուրդները կերկարացվեն մինչև ապրիլի 1-ը: Այս ժամանակահատվածում վարձատրության հարցը կլուծվի համապատասխան պետական ծրագրի համաձայն:
- Պարտադիր զինվորական ծառայության գարնանային զորակոչը կհետաձգվի մինչև ապրիլի 13-ը», — ասվում է հայտարարության մեջ:
Հիշեցնենք՝ Վրաստանում կրթական հաստատություններում արձակուրդները մարտի 9-ի փոխարեն սկսվեցին մարտի 2-ից և պետք է տևեին մինչև մարտի 16-ը:
