ՀՀ Արտաքին գործերի նախարար Զոհրաբ Մնացականյանը Վրաստան կատարած այցի ավարտից հետո թվիթերի իր էջում գրառում է կատարել․
«Ավարտեցի պաշտոնական այցս Վրաստան։ Անչափ շնորհակալ եմ Դավիթ Զալկալիանիին՝ բարեկամական ու շատ ջերմ հյուրընկալության համար։ Շատ արդյունավետ և նպատակաուղղված քննարկումներ ունեցանք։ Առկա է ընդհանուր ամուր հանձնառություն տարածաշրջանային խաղաղությանը և անվտանգությանը, երկկողմ դինամիկ օրակարգին՝ բոլոր ուղղություններով»,- գրում է ԱԳ նախարարը:
Concluded #Georgia🇬🇪 official visit. Most grateful to my host David Zalkaliani (@DZalkaliani) for the friendship & very warm hospitality. Very productive & result driven discussions. Strong joint commitment to regional peace & security, dynamic bilateral agenda in all directions pic.twitter.com/wWF5zNGaHd
— Zohrab Mnatsakanyan (@ZMnatsakanyan) July 25, 2019
Հիշեցնենք՝ Հայաստանի ԱԳ նախարարը Վրաստան կատարած առաջին պաշտոնական այցի ընթացքում հանդիպել է վրացի իր գործընկեր Դավիթ Զալկալիանիին, երկրի վարչապետ Մամուկա Բախտաձեին, խորհրդարանի խոսնակ Արչիլ Թալակվաձեին, այցելել Վրաստանի ազգային թանգարանի գանձարան, Հավլաբարի սուրբ Էջմիածին եկեղեցի, Հայարտուն մշակութային կենտրոնում հանդիպել նաև վիրահայ համայնքի ներկայացուցիչներին։
