Վրաստանյան «Բաց հասարակության հիմնադրամ», «Թրանսփարենսի Ինթերնեշնլ-Վրաստան», «Արդար ընտրություններ» և «Վրաստանի դեմոկրատական նախաձեռնություն» կազմակերպությունները զեկույց են հրապարակել, ըստ որի՝ Եվրոպական խորհրդի նախագահ Շառլ Միշելի փաստաթղթի արդարադատության բարեփոխումները ձախողվել են:
Նշված կազմակերպությունները վերլուծել են քաղաքական սուբյեկտների կողմից փաստաթղթում ամրագրված պայմանների կատարումը՝ ընդգծելով, նախատեսված դատաիրավական բարեփոխումները չեն իրականացվել։
Միևնույն ժամանակ, չի կատարվել այն կետը, ըստ որի՝ Վրաստանի կառավարությունը համաձայն 2017 և 2019 թվականներին ընդունված դատաիրավական կանոնակարգերի երկու փաթեթների՝
Առաջին ատյանի և վերաքննիչ դատարաններում դատավորների նշանակումը պետք է մեծացնի թափանցիկությունը և արժանիքների վրա հիմնված ընտրությունը, մասնավորապես՝ բարեխղճության և իրավասության չափանիշների հիման վրա դատավորների նշանակման գրավոր հիմնավորումների հրապարակման միջոցով:
Ըստ կազմակերպությունների՝ Միշելի փաստաթղթի այն կետը, ըստ որի՝ գերագույն դատարանում բոլոր ընթացիկ նշանակումները պետք է կասեցվեին, իսկ նոր թեկնածուների դիմումները պետք է սկսվեին նոր օրենքի ուժի մեջ մտնելուց հետո, չի կատարվել։
Զեկույցի համաձայն՝ փաստաթղթում ամրագրված է, որ «կողմերը պարտավորվում են շարունակել դատաիրավական բարեփոխումները ներառական գործընթացի միջոցով՝ ներառյալ դատաիրավական բարեփոխումների երրորդ և չորրորդ ալիքների արդյունավետության գնահատումը։ Այս բարեփոխումների իրականացման գործընթացում կօգտագործվեն միջազգային փորձագետների խորհրդատվությունն ու օգնությունը՝ հատկապես դատավորների բարեխղճությունն ապահովելու համար։
Մոտ մեկ տարի առաջ իշխանությունն ու ընդդիմությունը համաձայնեցին ստորագրել Եվրոպական խորհրդի նախագահ Շառլ Միշելի առաջարկած փաստաթուղթը՝ վերջ դնելու ներքաղաքական ճգնաժամին։
