Շրջակա միջավայրի ազգային գործակալությունը տեղեկատվություն է հրապարակել հունվարի 25-27-ը Վրաստանում սպասվող եղանակի մասին, ըստ որի՝ առաջիկա օրերին Վրաստանի առանձին շրջաններում հնարավոր են թույլ տեղումներ։

Արևմտյան Վրաստանի հարթավայրային շրջաններում սպասվում է հիմնականում առանց տեղումների եղանակ։ Օդի ջերմաստիճանը ցերեկը կլինի +14, +16 աստիճան տաքություն։

Արևելյան և Արևմտյան Վրաստանի լեռնային շրջաններում տեղ-տեղ հնարավոր են թույլ տեղումներ։ Օդի ջերմաստիճանը ցերեկը կլինի +1, +6 աստիճան։

Բարձր լեռնային շրջաններում ձյուն է սպասվում։ Օդի ջերմաստիճանը ցերեկը կլինի -3, +2 աստիճան։

Մայրաքաղաք Թբիլիսիում սպասվում է հիմնականում առանց տեղումների եղանակ. օդի ջերմաստիճանը ցերեկը կլինի +8, +10 աստիճան։