«Մեդիա շահերի պաշտպանության կոալիցիա»-ն համերաշխություն է հայտնել Հանրային հեռարձակողի լրագրողներին և արձագանքել հեռարձակողի հոգաբարձուների խորհրդի նիստին, ըստ որի` խորհրդի անդամները դատախազությունից պահանջել են հետաքննել հեռուստաալիքի քննադատող աշխատակիցների կողմից Հանրային հեռարձակողին ուղղված «անհիմն մեղադրանքների» փաստերը։
Մեդիա կոալիցիան սա գնահատել է որպես լրագրողների հետապնդում քննադատական հայտարարությունների համար, նաև կոչ է արել միջազգային հանրությանը, հատկապես Եվրոպական հեռարձակողների միությանը (EBU), ակտիվորեն արձագանքել ստեղծված իրավիճակին։
«Սա աննախադեպ ճնշում է լրատվամիջոցների ազատության վրա և ուղղակի սպառնալիք լրագրողների նկատմամբ, որոնք կատարում են իրենց մասնագիտական պարտականությունները։
Հանրային հեռարձակողի դերը չափազանց կարևոր է մեր ժողովրդավարության համար, և այս անկախ ու պրոֆեսիոնալ լրագրողների շնորհիվ է, որ հասարակության մեջ դեռևս կա հավատ Հանրային հեռարձակողի գաղափարի նկատմամբ։ Չնայած ճնշումներին, այս լրագրողները շարունակում են պահպանել մասնագիտական չափանիշները և ձգտում են օբյեկտիվ տեղեկատվություն տրամադրել հանրությանը», — ասված է մեդիա կոալիցիայի հայտարարության մեջ։
