ԱՄՆ Կոնգրեսը կվերադառնա MEGOBARI Act-ի («Վրաց ժողովրդի ակտ») քննարկմանը: Սա կլինի առաջին օրինագծերից մեկը, որը կքննարկի նոր Կոնգրեսը։
Այսօր մամուլի ասուլիս է հրավիրել «MEGOBARI Act»-ի օրենքի հեղինակ, հանրապետական կոնգրեսական Ջո Ուիլսոնը։ Նա ընդգծել է, որ ամերիկյան պատժամիջոցները պետք է տարածվեն ոչ միայն օլիգարխ Իվանիշվիլիի, այլև նրա ընտանիքի անդամների վրա։
Նա ԱՄՆ ապագա նախագահի վարչակազմին կոչ է արել օգտագործել օրենքով նախատեսված մեխանիզմները՝ բացահայտելու պատժամիջոցներից խուսափելու Վրաստանի քայլերը, ինչպես նաև հայտնաբերելու «զանգերի կենտրոններ»-ի և «Վրացական երազանք»-ի այլ անօրինական գործողությունները:
Հիշեցնենք. «Վրաց ժողովրդի ակտ»-ը Վրաստանին առնչվող օրինագիծ է, որը ներկայացրել է հանրապետական կոնգրեսական Ջո Ուիլսոնը, որը մի կողմից նպատակ ունի խորացնել հարաբերությունները Վրաստանի և ԱՄՆ-ի միջև, իսկ մյուս կողմից՝ պատժամիջոցներ սահմանել այն անձանց նկատմամբ, ովքեր ներգրավված են վրացական ժողովրդավարության խաթարմանը։ Կոնգրեսականի օրենսդրական նախաձեռնությունը նախատեսում է մի քանի ոլորտներում Վրաստանի հետ համագործակցության ամրապնդում և, միաժամանակ, կոչ է անում Վրաստանի կառավարությանը կոնկրետ քայլեր ձեռնարկել։
