ԱՄՆ-ը չի դադարեցրել Վրաստանի Իլիայի պետական համալսարանի Երկրի մասին գիտությունների ինստիտուտի և Սեյսմիկ մոնիտորինգի ազգային կենտրոնի ֆինանսավորումը: Այդ մասին պարզաբանող հայտարարություն է տարածել կենտրոնի ղեկավար Թեա Գոդոլաձեն:
Հայտարարության մեջ Գոդոլաձեն նշել է՝ չնայած այն հանգամանքին, որ ԱՄՆ-ը դադարեցրել է Վրաստանի կառավարության համար նախատեսված ֆինանսավորումը, այս որոշումը չի ազդի Երկրի մասին գիտությունների ինստիտուտի վրա։
«Լրացուցիչ պարզաբանում ենք ստացել, որ Ամերիկայի Միացյալ Նահանգներից Վրաստանի կառավարությանը նախատեսված 95 միլիոն դոլարի օգնության կասցեումը չի վերաբերում մեր ինստիտուտին, քանի որ ԱՄՆ-ում շատ լավ հասկանում են, թե որքան կարևոր է ժողովրդի և երկրի անվտանգությունը, ուստի կասկածի տակ չեն դնում կառույցի անխափան աշխատանքը, որը կենսական նշանակություն ունի Վրաստանի և որևէ այլ երկրի քաղաքացիների երկիր»,- ֆեյսբուքյան իր անձնական էջում գրել է Գոդոլաձեն։
Ի դեպ, սեպտեմբերի 9-ին Գոդոլաձեն հայտարարել էր, որ Ամերիկան դադարեցրել է Սեյսմիկ մոնիտորինգի կենտրոնի ֆինանսավորումը։
Ի դեպ, օգոստոսի 6-ին հայտնի դարձավ, որ դադարեցվել է Լուգարի լաբորատորիային և NCDC-ին մինչև 2 մլն լարիի ամերիկյան ֆինանսավորումը։ Մինչ այդ հայտնի էր դարձել, որ ԱՄՆ-ը դադարեցնում է Վրաստանի կառավարությանն ավելի քան 95 մլն դոլարի ուղղակի օգնությունը։ Որոշման պատճառը վրացական ժողովրդավարության անկումն է և «գործակալների օրենք»-ի ընդունումը:
