Թբիլիսիի «Ամբասադոր» հյուրանոցում բռնկված հրդեհի գործով ձերբակալված 28-ամյա երիտասարդին ապրիլի 2-ին մեղադրանք է առաջադրվել, թեև վերջինս իրեն մեղավոր չի ճանաչել։
Բացի այդ, ձերբակալվածի փաստաբան Պաատա Գոգոլաձեի խոսքերով, իր պաշտպանյալը պնդում է, որ հյուրանոցում է եղել հանգստանալու նպատակով։
Ներքին գործերի նախարարության հաղորդմամբ, հյուրանոցում հյուրընկալված երիտասարդը հրդեհ է բռնկել, որը տարածվել է հյուրանոցի երրորդ և չորրորդ հարկերում։
Հետաքննությունն իրականացվում է Վրաստանի Քրեական օրենքի 187-րդ հոդվածի 2-րդ մասի «Ա» ենթակետով, ինչը նշանակում է հրդեհի միջոցով օբյեկտի վնասում կամ ոչնչացում։
