Վրաստանի Հատուկ քննչական ծառայությունից (ՀՔԾ) հայտնել են, որ «Բաթումելեբի» և «Նեթգազեթի» լրատվամիջոցների հիմնադիր Մզիա Ամաղլոբելիի քրեական գործի հետ առնչություն ունեցող 10 ոստիկան է հարցաքննվել:

Ըստ տեղեկության՝ նրանց թվում է նաև Բաթումիի ոստիկանության պետ Իրակլի Ջեբուաձեն. Ամաղլոբելիին ձերբակալել են հենց նրան «ապտակելու» մեղադրանքով:

Բոլոր ոստիկանները հարցաքննության ժամանակ հերքել են Մզիա Ամաղլոբելիի կողմից նշված հանգամանքների իսկությունը։

Ամաղլոբելին ձերբակալվել է 2025 թվականի հունվարի 11-ին՝ Ջեբուաձեի ցուցումով։

Ամաղլոբելին 26 օր է՝ ի նշան բողոքի բանտում հացադուլ է անում։ Փետրվարի 4-ին նա տեղափոխվել է «Վիվամեդ»՝ հետազոտության նպատակով։ Հետազոտությունների ավարտից հետո նա ցանկանում է վերադառնալ բանտ։

Բժիշկը չի բացառում, որ Ամաղլոբելիի առողջական վիճակը կվատթարանա