Արևելք-Արևմուտք արագընթաց մայրուղու (E60) մաս կազմող Զեմո (Վերին) Օսիաուրի-Չումաթելեթի ճանապարհի երկրորդ հատվածի շինարարական աշխատանքներն ակտիվորեն շարունակվում են, հայտնում է ավտոճանապարհների դեպարտամենտը։

Նախագծի շրջանակներում սկսվել է Մալիի ամենաերկար՝ 648 մետր երկարությամբ կամրջի շինարարությունը. նախատեսվում է կառուցել 6,4 կմ 4 գոտի ունեցող ճանապարհ, 11 կամուրջ և 5 թունել։

Տեղեկության համաձայն, ներկայումս շինարարական աշխատանքներ են ընթանում 8 կամուրջների և 5 թունելների վրա, որոնցից 6 կամուրջն արդեն կառուցված է։

Հատկանշական է, որ Զեմո (Վերին) Օսիաուրի-Չումաթելեթի երկրորդ հատվածի միջոցով հյուսիսից կշրջանցվի Սուրամի լեռնանցքը, Չումաթելեթին և դուրս կգա Ռիկոթիի թունելով։ Այս հատվածով Խաշուրիի շրջանցիկ ճանապարհը կմիանա Ռիկոթիի անցուղու ճանապարհին։

Ծրագիրը ֆինանսավորվում է Համաշխարհային բանկի կողմից, աշխատանքների պայմանագրային արժեքը կազմում է 264 մլն 992 հազար 488 լարի։