Վրաստանի արտաքին գործերի նախարար (ԱԳՆ) Իլիա Դարչիաշվիլին այսօր կմեկնի Մոլդովայի Հանրապետություն, հայտնում է Վրաստանի ԱԳՆ-ն:
ԱԳՆ-ի փոխանցմամբ, այցի շրջանակներում Դարչիաշվիլին հանդիպումներ կունենա Մոլդովայի Հանրապետության գործադիր և օրենսդիր իշխանությունների ներկայացուցիչների հետ։
«Իլիա Դարչիաշվիլին կհանդիպի Մոլդովայի Հանրապետության արտաքին գործերի և եվրաինտեգրման նախարար Նիկու Պոպեսկուի հետ՝ դեմ առ դեմ և ընդլայնված կազմով, որից հետո նախարարները հանդես կգան մամուլի համար համատեղ հայտարարությամբ։
Քիշնև այցի շրջանակներում կքննարկվեն Վրաստանի և Մոլդովայի երկկողմ գործընկերության հարցերը, կանդրադառնան երկրների միջև դիվանագիտական հարաբերությունների հաստատման 30-ամյակին, Վրաստանի և Մոլդովայի եվրաինտեգրման օրակարգին»,- նշված է տարածած հաղորդագրության մեջ։
