Աբխազական կողմը հրապարակել է Էնգուրիի «անցակետում» ապօրինի սահմանահատման դեպքերի 2022 թվականի վիճակագրությունը։ Աբխազիայի դե ֆակտո անվտանգության և Ռուսաստանի դաշնային ծառայությունների տվյալներով՝ 2022 թվականին «աբխազական օրենսդրությամբ» ավելի քան 1 200 օրինախախտ է ձերբակալվել, ինչը, ըստ «պաշտոնական տվյալների»՝ մոտ չորս անգամ պակաս է նախորդ տարվա համեմատ։
Աբխազական կողմի տեղեկություններով՝ 1 200 դեպքից 13 գործով քրեական հետաքննություն է սկսվել «Աբխազիայի պետական սահմանն ապօրինի հատելու» մեղադրանքով։
Աբխազական կողմի 2021 թվականի տվյալներով՝ 2021 թվականին Էնգուրիում ձերբակալվել է ավելի քան 5 000 քաղաքացի՝ «Աբխազիայի պետական սահմանն ապօրինի հատելու» կամ «սահմանի անցման ռեժիմը խախտելու» մեղադրանքով։
Աբխազական կողմը տարբեր պատրվակներով պարբերաբար փակում է «Էնգուրիի անցակետը»։ Հետևաբար, փակ անցակետի պայմաններում Գալիի բնակիչները, անհրաժեշտության դեպքում, հաճախ ստիպված են լինում շրջանցիկ և վտանգավոր ճանապարհներով անցնել վրացական կողմը, իսկ հետո` վերադառնալ։
