Վրաստանի Առողջապահության նախարար Զուրաբ Ազարաշվիլին չի բացառում կարանտինի և մեկուսացման ժամկետների հետագա կրճատումը։
«Օմիկրոն»-ով պայմանավորված մենք մեկուսացման և կարանտինի ժամկետները 12-ից իջեցրել ենք 8 օր։ Սակայն, եթե նայենք տարբեր երկրների օրինակներին, կարող ենք նորից քննարկել, օրինակ՝ ԱՄՆ-ում 5 օրն է պարտադիր»,- ասել է Զուրաբ Ազարաշվիլին։
Նշենք, որ այսօրվանից՝ հունվարի 17-ից, կրճատվել են կորոնավիրուսով վարակվածների և նրանց շփումների մեկուսացման ժամկետները։ Թեթև դեպքերի դեպքում մեկուսացման ժամկետը սահմանվել է 8 օր։ Միջին և ծանր դեպքերի դեպքում մեկուսացման ժամկետը առնվազն 10 օր է։
Վերջին 3 ամիսներին պատվաստված շփվածները պարտադիր չէ, որ մեկուսացված լինեն։ Չպատվաստված անձանց դեպքում խորհուրդ է տրվում, որ վարակվածների հետ շփվելուց հետո նրանք մնան կարանտինում 8 օր, այնուհետև 9-12 օր մնան կարանտինում։
Հիշեցնենք, որ հունվարի 11-ին համակարգող խորհրդի նիստից հետո Վրաստանի առողջապահության փոխնախարար Թամար Գաբունիան հայտարարել էր, որ առաջիկա օրերին ինքնամեկուսացման և կարանտինի պայմանները կվերանայվեն։
