Վրաստանի կառավարությունը նախատեսում է երկրում երկու ֆինանսական կենտրոն հիմնել՝ Թբիլիսիում և Գոնիոյում։ Այդ մասին Վրաստանի վարչապետ Իրակլի Ղարիբաշվիլին հայտարարել է այսօր՝ հունվարի 17-ին, կառավարության նիստում։
Ղարիբաշվիլիի խոսքով, ֆինանսական գոտիները կենտրոնանալու են միջազգային ֆինանսական ընկերությունների վրա, որոնք ակտիվներ են շահագործում կառավարման, ապրանքաշրջանառության, կապիտալի կառավարման և այլ ոլորտներում:
«Ակնկալվում է, որ այն կգտնվի 110 հեկտար մակերեսի վրա և կդառնա երկրի և տարածաշրջանի յուրօրինակ բիզնես կենտրոն։ Գոնիոյում մենք նախատեսում ենք ստեղծել ավելի բազմաֆունկցիոնալ կենտրոն։ Արդեն սկսել ենք աշխատել այս ուղղությամբ և ցանկանում ենք այստեղ ստեղծել ֆինանսական կենտրոն»,- ասել է Ղարիբաշվիլին։
Ըստ Ղարիբաշվիլիի՝ հատուկ ֆինանսական գոտիները միջազգային ընկերություններին կառաջարկեն իրավական ռեժիմներ՝ հիմնված ընդհանուր իրավունքի սկզբունքների վրա, ինչպես նաև ազատական, կարգավորիչ և հարկաբյուջետային ռեժիմներ՝ հիմնված միջազգային լավագույն փորձի վրա:
«Ամենակարևորը՝ ֆինանսական գոտիներում գործող միջազգային ընկերությունների անձնակազմի զգալի մասը լինելու են Վրաստանի քաղաքացիներ, ինչը թույլ կտա նրանց ունենալ մասնագիտական և կարիերայի հատուկ զարգացում», — ասել է Ղարիբաշվիլին։
