Վրաստանի կարտոֆիլի արտահանումն հետզհետե աճ է գրանցում։ Միայն հոկտեմբերին երկրից արտահանվել է 10 553 տոննա կարտոֆիլ (3,635 մլն դոլար), ինչը 29,5 անգամ գերազանցում է նախորդ տարվա նույն ժամանակահատվածի ցուցանիշը։ 2020 թվականի հոկտեմբերին հանրապետությունից արտահանվել է ընդամենը 357 տոննա կարտոֆիլ (46,13 հազար դոլար)։

Ըստ Վրաստանի ազգային վիճակագրական ծառայության տվյալների՝ 2021 թվականի հունվար-հոկտեմբերին երկրից արտահանվել է 40 560 տոննա կարտոֆիլ (ընդհանուր արժեքը՝ 14,131 մլն դոլար), ինչը գրեթե 12 անգամ ավելի է նախորդ տարվա նույն ժամանակահատվածի համեմատ։ 2020 թվականի առաջին 10 ամիսներին կարտոֆիլի արտահանումը կազմել է 3369 տոննա (963,4 հազար դոլար)։ 

2021 թվականի հունվար-հոկտեմբեր ամիսներին վրացական կարտոֆիլն արտահանվել է հիմնականում 12 երկիր, ընդորում` կարտոֆիլի ընդհանուր արտադրանքի գրեթե 70%-ն արտահանվել է Ռուսաստան։ Ստորև ներկայացնում ենք  այն 5 երկրները, որտեղ վերջին 10 ամիսների ընթացքում ամենամեծ ծավալով է արտահանվել Վրաստանի կարտոֆիլը.

• Ռուսաստան՝ 28 294 տոննա (12,315 մլն դոլար)
• Ադրբեջան՝ 6 496 տոննա (819,5 հազար դոլար)
• Մոլդովա՝ 1 848 տոննա (330,6 հազար դոլար)
• Ուկրաինա՝ 1382 տոննա (151,1 հազար դոլար)
• Թուրքմենստան՝ 871 տոննա (125,3 հազար դոլար)

Տաթև Խոցանյան, «Ալիք մեդիայի» ստաժոր