Այս պահին Ստեփանծմինդա-Լարս ավտոճանապարհը բաց է։ Այս մասին «Ալիք մեդիային» տեղեկացրին Վրաստանում ՀՀ դեսպանությունից։

Վրաստանից դեպի Ռուսաստան ուղղությամբ ճանապարհին բեռնատարների կուտակումների հիմնական պատճառը տրանսպորտային միջոցների մեծ հոսքն է և ռուսական կողմում ընթացող շինարարական աշխատանքները։ Ռուսական կողմը Լարսի անցակետում հիմնանորոգում է իրականացնում։

Նման իրավիճակում Լարսի անցակետով օրական 400 բեռնատար է անցնում, 100-ը՝ հայկական։

Վրաստանում ՀՀ դեսպանությունը մշտական կապի մեջ է Վրաստանի պատկան մարմինների հետ, դեսպանության աշխատակիցները պարբերաբար լինում են տեղում՝ իրավիճակին ծանոթանալու և ուղևորներին սննդով և առաջին անհրաժեշտության պարագաներով ապահովելու համար։