Վրաստանի խորհրդարանը 100 ձայնով կրկին չկարողացավ ընտրել կենտրոնական ընտրական հանձնաժողովի նախագահ և երկու անդամներ:
Նախագահի կողմից խորհրդարանին ներկայացված ԿԸՀ նախագահի և անդամների թեկնածուները երկրորդ անգամ չընտրվեցին ձայների 2/3-ի հարաբերակցությամբ:
Քվեարկության արդյունքները հետևյալն են.
Կենտրոնական ընտրական հանձնաժողովի նախագահի թեկնածուներ.
Գիորգի Կալանդարիշվիլի՝ 83 կողմ, 11 դեմ,
Գիորգի Սանտուրիանի՝ 4 կողմ, 11 դեմ։
Կենտրոնական ընտրական հանձնաժողովի անդամների թեկնածուներ.
Գիա Ցացաշվիլի 83 կողմ, 10 դեմ,
Լելա Տալիուրի 18 կողմ, 2 դեմ,
Թամար Սարտանիա 18 կողմ, 2 դեմ,
Մայա Զարիձե 77 կողմ, 10 դեմ։
Ընտրական օրենսդրության մեջ կատարված փոփոխությունների համաձայն, ԿԸՀ նախագահի և անդամների ընտրության համար անհրաժեշտ է 100 ձայն: Եթե առաջին ընտրությունները չեն անցկացվում ձայների 2/3-ով հարաբերակցությամբ, ապա երկրորդ քվեարկությունը կրկին պետք է անցկացվի նույն կարգով, կրկին ձախողվելու դեպքում` կպահանջվի 3/5 կամ 90 ձայն: Սա էլ ձախողելու դեպքում` հերթական ընտրության համար բավարար կլինի 76 ձայնը:
Հատկանշական է, որ նոր օրենքի համաձայն, եթե ԿԸՀ նախագահն ընտրվում է խորհրդարանի անդամների ձայների առնվազն 2/3 հարաբերակցությամբ, նրա լիազորությունների ժամկետը 5 տարի է, իսկ մյուս դեպքերում՝ 6 ամիս:
