Pfizer պատվաստանյութն արդեն  Վրաստանում է` հայտնում է երկրի Առողջապահության նախարարությունը:

Վրաստանի քաղաքացիները կկարողանան գրանցվել պատվաստումների համար այսօր ՝ ժամը 15: 00-ից,  պատվաստումը կսկսվի հուլիսի 16-ին:

Առաջին փուլում Վրաստանի քաղաքացիները Pfizer- ով պատվաստվել կկարողնանան 7 բժշկական հաստատությունում: Pfizer պատվաստանյութը պետք է ընդունել երկու անգամ` 21-28 օրվա տարբերությամբ:

Վրաստանում  Pfizer և AstraZeneca դեղամիջոցներով հնարավոր է պատվաստվել միայն կլինիկաներում, իսկ պատվաստման կենտրոններում հասանելի են նաև  չինական պատվաստանյութերը: Պատվաստումների գրանցման վերաբերյալ խորհրդատվություն կարելի է  ստանալ`  զանգահարելով 1443:

Ավելի վաղ Վրաստանը պայմանագիր էր  կնքել Pfizer– ի հետ, համաձայն որի ՝ երկիրն աստիճանաբար կստանա  պատվաստանյութի 1 000 350 չափաբաժին: Այս անգամ որքան է ստացել, չի հաղորդվում:

Ըստ վիճակագրության` Վրաստանի քաղաքացիների մեծ մասը նախընտրությունը տալիս են հենց Pfizer- ին: BioNTech ընկերության և Pfizer ամերիկյան դեղագործական կոնցեռնի կողմից ստեղծված պատվաստանյութն առաջինն է հաստատվել  2020-ի դեկտեմբերին ԵՄ-ում օգտագործման համար և առաջինը պաշտոնապես ընդունվել  Առողջապահության համաշխարհային կազմակերպության կողմից:

Զանգվածային պատվաստումը Վրաստանում մեկնարկել է հուլիսի 5-ին, այն բանից հետո, երբ երկիրը ստացավ չինական Sinopharm և Sinovac պատվաստանյութերի 1 միլիոն դոզա:

Առաջին անգամ Վրաստանում կորոնավիրուսի դեմ 1-ին պատվաստումը արվեց 2021 թվականի մարտի 15-ին` AstraZeneca- ով, իսկ Pfizer- ն ավելացավ մարտի 30-ին: Մայիսի 4-ից Վրաստանի քաղաքացիները կարող են պատվաստվել չինական Sinopharm դեղամիջոցով:

Վրաստանում, վերջին տվյալների համաձայն, պատվաստվել է 317 537 մարդ, 122,180 քաղաքացի ստացել է երկու լրիվ դեղաչափ: