Վրաստանում օդային հաղորդակցությունն ակտիվորեն վերադառնում է 2019-ի ցուցանիշներին: Այս մասին հայտնում է երկրի քաղաքացիական ավիացիայի գործակալությունը:
2021 թվականի հուլիսի դրությամբ` վրացական ավիացիոն շուկայում արդեն 38 ավիաընկերություն է գործում, որոնք թռիչքներ են իրականացնում 27 երկրների 72 ուղղություններով:
2019-ի նույն ժամանակահատվածի համեմատ ՝ վերականգնվել է չվերթների` 74 (շաբաթական 375-395 հաճախականություն), իսկ օդային ուղղությունների` 72% -ը:
Թռիչքների հաճախականության տեսանկյունից` ամենաարագ տեմպերով վերականգնվում է Բաթումիի միջազգային օդանավակայանը, որն արդեն սպասարկում է թռիչքների 21% -ը (շաբաթական 110-115 հաճախականություն) սա ավելի է, , քան 2019-ի հուլիսին էր:
Հիշեցնենք` փետրվարի 1-ից Վրաստանն ամբողջովին վերացրեց միջազգային կանոնավոր թռիչքների արգելքը, որը երկրում գործում էր 2020 թվականի մարտից՝ կորոնավիրուսի համաճարակի պատճառով:
Գործող կանոնակարգի համաձայն ՝ օտարերկրացիները կարող են հատել Վրաստանի օդային սահմանը ՝ ներկայացնելով փաստաթուղթ, որը հաստատում է, որ նրանք անցել են պատվաստման ամբողջական կուրս: Եթե այդպիսի փաստաթուղթ չկա, անհրաժեշտ է տրամադրել բացասական PCR թեստի արդյունք, որն արվել է Վրաստան մուտքից 72 ժամ առաջ, անհրաժեշտ կլինի նաև 2-րդ PCR թեստը ՝ սեփական հաշվին, ժամանելու երրորդ օրը:
