Հունիսի 1-ից Հայաստանում գործում է Ֆեյսբուքի փաստերի ստուգման ծրագիրը, որի նպատակն ապատեղեկատվության դեմ պայքարն է:
Ապատեղեկատվության դեմ պայքարի համար Facebook- ն ունի երեք մասից բաղկացած ռազմավարություն.
● տեղեկացնել օգտատերերին ՝ նրանց ավելի շատ տեղեկություն ու համատեքստ տալով
● նվազեցնել կեղծ լուրերի և ոչ վավեր բովանդակության տեսանելիությունը
● հեռացնել այն հրապարակումները, որոնք խախտում են Facebook- ի և Instagram- ի հասարակական չափորոշիչները կամ գովազդի քաղաքականությունը։
Facebook- ում և Instagram- ում հայերեն լեզվով տարածված ապատեղեկատվության դեմ պայքարելու նպատակով Facebook-ն ընդլայնել է համագործակցությունը «Փաստ-մետրի» (Fact Check Georgia-ի)՝ որպես փաստեր ստուգող անկախ հարթակի հետ: GRASS-ի «Փաստ- մետրը» (FactCheck Georgia— ն) ունի Փաստերի ստուգման միջազգային ցանցի (IFCN) հավաստագիր և երկու ամիսների ընթացքում (2021 թ. հունիս-հուլիս) համագործակցում է հայաստանյան «Մեդիա նախաձեռնությունների կենտրոն» հասարակական կազմակերպության հետ (MIC)` Facebook-ում և Instagram-ում հայերեն լեզվով տարածված նյութերի բովանդակությունը ստուգելու նպատակով:
Facebook- ի փաստերի ստուգման ծրագիրն ընդգրկում է ավելի քան 80 գործընկերներ ամբողջ աշխարհում և ստուգում է ավելի քան 60 տարբեր լեզուներով տարածվող հրապարակումների բովանդակությունը: Այս գործընկերները կարևոր դեր են խաղում վիրուսային կերպով տարածված ապատեղեկատվության բացահայտման գործում: Երբ փաստեր ստուգող կազմակերպությունը հրապարակումը գնահատում է որպես կեղծ լուր, Facebook- ը հրապարակմանը կցում է նախազգուշական պիտակ և նվազեցնում դրա տարածումը: Էջերը և դոմեյնները, որոնք երկրորդ անգամ կիսվում են կեղծ լուրերով, զրկվում են էջի տարածումից ինչպես նաև դրամայնացման և գովազդի հնարավորությունից:
Ելնելով նրանից, որ Facebook-ը համագործակցում է միայն IFCN– ի կողմից հավաստագրված փաստեր ստուգող կազմակերպությունների հետ և առաջնահերթ է համարում այն վայրերը, ուր առաջիկայում ընտրություններ են նախատեսված, և որտեղ ապատեղեկատվությունը կարող է իրական ռիսկեր պարունակել, Facebook-ը որոշել է ընդլայնել համագործակցությունը «Փաստ մետրի» (FactCheck Georgia) հետ Հայաստանում:
Փաստերի ստուգման ծրագրի վերաբերյալ լրացուցիչ տեղեկությունների կարող եք ծանոթանալ այստեղ: Փաստերի ստուգման միջազգային ցանցի և դրա սկզբունքների վերաբերյալ լրացուցիչ տեղեկություններ կարելի է գտնել այստեղ և այստեղ:
