Վրաստանի հանրային պաշտպանն անհիմն է համարում «պարետային ժամն» ուժի մեջ թողնելու`  իշխանությունների որոշումը: Այս մասին   օմբուդսման Նինո Լոմջարիան  ասել է Մարդու իրավունքների խորհրդարանական հանձնաժողովի նիստում:

Օմբուդսմանը կարծում է, որ միջգերատեսչական համակարգող խորհուրդը պետք է հանրությանը տրամադրի տեղեկատվություն այն մասին, թե ինչպես է «պարետային ժամը» ազդում կորոնավիրուսի տարածումը զսպելու վրա.

«Չնայած, 2021 թ. մարտի դրությամբ համաճարակի հետ կապված մի շարք սահմանափակումներ հանվել են, Վրաստանի կառավարությունը չի տրամադրել որոշակի գիտական ​​մեթոդի վրա հիմնավորված հիմնավորում և չի բացատրել, թե ինչու է անհրաժեշտ` պահպանել գիշերվա տեղաշարժի արգելքը »:

Վրաստանում գիշերը տեղաշարժի արգելքն ուժի մեջ է  անցյալ տարվա նոյեմբերից: Ավելի քան վեց ամիս շարունակ պարետային ժամը սկսվում էր  21: 00-ին, ավարտվում` 05: 00-ին, մայիսին  տեղափոխվեց`  23: 00-ին, իսկ հունիսի 1-ից տևողություն սահմանվեց մինչև 04: 00-ն:

Վրաստանի տարբեր շրջանների և քաղաքների բնակիչները պարբերաբար բողոքի ցույցեր են անցկացնում `պահանջելով չեղյալ հայտարարել պարետային ժամը, կամ դրա տևողությունը կրճատել:

Գիշերը տեղաշարժի սահմանափակման խախտման համար տուգանքի չափը ֆիզիկական անձից 2 հազար լարի է (մոտ 651,5 դոլար), իրավաբանական անձից ` 10 հազար լարի: