Վրաստանի կառավարությունն այս տարվա ընթացքում արդեն երկրորդ անգամ ոչ աշխատանքային օրեր է սահմանում: Մասնավորապես՝ մայիսի 4-8 և 10-11-ն ընկած ժամանակահատվածում երկրի ողջ մասշտաբով հանգստյան օրեր կլինեն:
- Զատկական տոների հետ կապված միայն մեկ օրով երկրում սահմանված տեղաշարժի արգելքը կգործի մայիսի 1-ի ժամը 23:00-ից մինչև մայիսի 2-ի ժամը 04:00-ն
- Երկրի ամբողջ տարածքով մայիսի 3-12-ը կսահմանափակվի մունիցիպալ տրանսպորտի (մետրո, ավտոբուս, երթուղային տաքսի) աշխատանքը: Միջքաղաքային տրանսպորտը կշարունակի աշխատել
- Զատկական տոների օրերին կարգելվի այցելել գերեզմանատներ: Կառավարության որոշմամբ՝ տոնական օրերին գերեզմանատներ տանող ճանապարհները կփակվեն պարեկային ոստիկանության կողմից։
Ինչ վերաբերում է կառույցներին, որոնք կշարունակեն գործունեությունը, ստորև ներկայացնում ենք դրանց ցանկը՝
- Բուժհաստատությունների ծառայություններ, որոնք իրականացնում են քովիդ միջոցառումներ, այդ թվում՝ կանխարգելում, ախտորոշում, բուժում
- Դեղագործական գործունեություն
- Ստացիոնար ծառայություն մատուցող բուժհաստատություններ ու առաջնային առողջապահական կենտրոններ
- Շուրջօրյա սոցիալական հաստատություններ
- Պարենի արտադրություն, իրացում
- Ցամաքային բեռնափոխադրումներ
- Երկաթուղային ու օդային բեռնափոխադրումներ
- Օդանավակայաններ
- Փոստի ու առաքման ծառայություն
- Ջրամատակարարման, էներգամատակարարման, էլեկտրաէներգիայի ու գազի մատակարարման, իրացման, տեղափոխման ծառայություններ
- Պարտադիր կարանտինի գոտում ներգրավված աշխատակիցներ
- Շինարարություն
- Թաղման հետ կապված ծառայություններ
- Մետաղագործություն
- Թափոնների կառավարում
- Գյուղատնտեսության ծառայությունների մատակարարում
- Շրջանային զարգացման ու ենթակառուցվածքների նախարարության կազմում նախագծերի իրականացում
Վրաստանի արդարադատության տներն արձակուրդային օրերին աշխատելու են
