Մարտի 16-ին Ադրբեջանում Վրաստանի դեսպան Զուրաբ Պատարաձեն հյուրընկալել Է Ադրբեջանի առաջատար տուրօպերատորներին: Հանդիպմանը մասնակցել են նաև Ադրբեջանի պետական AZAL ավիաուղիների վարչության ղեկավարը, Ադրբեջանի պետական զբոսաշրջության գործակալության միջազգային կապերի բաժնի տնօրենը և տուրիստական գործակալությունների ասոցիացիայի նախագահը:
Հանդիպման սկզբում Վրաստանի դեսպանը հյուրերին տեղեկացրել է մարտի 19-ից Բաքու-Թբիլիսի-Բաքու օդային չվերթի վերականգնման վերաբերյալ կողմերի միջև ձեռք բերված պայմանավորվածության մասին:
Ըստ տեղեկության, Վրաստանի դեսպանը հատուկ ուշադրություն է դարձրել տուրիզմի ոլորտում առկա վիճակին: Նա նշել է, որ կորոնավիրուսային համաճարակը, ինչպես ամբողջ աշխարհում, այնպես էլ Վրաստանում, ուժեղ հարված է հասցրել ոլորտին, բայց վերջերս Վրաստանում համաճարակաբանական իրավիճակը թույլ է տալիս դաշտը ակտիվացնել, ձմեռային լեռնադահուկային հանգստավայրերն արդեն բացվել են, հյուրանոցներն ու ռեստորաններն վերսկսել են իրենց աշխատանքը:
Ադրբեջանի պետական ավիաընկերությունների ներկայացուցիչը ներկայացրել է Բաքու-Թբիլիսի-Բաքու չվերթի ժամանակացույցի, ինչպես նաև Բաքվի միջազգային օդանավակայանի և ինքնաթիռի վերաբերյալ կանոնակարգերը:
