Վրաստանում աշակերտների մի մասի համար դպրոցներում դիմակ կրելը պարտադիր կդառնա:
Ինչպես հայտնել է Վրաստանի կրթության և գիտության նախարար Միխեիլ Չխենկելին, 5-ից բարձր դասարանների աշակերտները պարտավոր կլինեն դիմակ կրել դպրոցի տարածքում ևս:
«Որոշում ենք կայացրել, որ բոլոր դպրոցներում հինգերորդ դասարանից սկսած դիմակ կրելը պարտադիր կլինի: Հավելյալ մանրամասներն այսօր կհայտնենք դպրոցների ղեկավարությանը, նրանք էլ կփոխանցեն ծնողներին»,-ասել է Չխենկելին։
Հիշեցնենք, որ Վրաստանում փետրվարի 15-ից ուսումնական գործընթացը կշարունակվի դասասենյակներում:
