Հուլիսի 28-ին Քութայիսիի միջազգային օդանավակայանից կիրականացվի Աթենք-Քութայիսի-Աթենք հատուկ չվերթը։ Տեղեկությունը հայտնում է Վրաստանի օդանավակայանների միավորման մամուլի ծառայությունը։

Թռիչքը նախատեսված է Թբիլիսիի ժամանակով 15:10-ին։ Հատուկ չվերթը կիրականացնի հունգարական ցածր բյուջետային Wizz Air ավիափոխադրողը։ Չվերթի բոլոր տոմսերը վաճառված են։

Վայրէջքից անմիջապես հետո բոլոր ուղևորները Քութայիսիի օդանավակայանում բուժզննում կանցնեն, որից հետո հատուկ ավտոբուսներով կտեղափոխվեն կարանտինային գոտիներ։

Իսկ Քութայիսիից Աթենք թռչող ուղևորները պետք է հաշվի առնեն Հունաստանի կառավարության պահանջները։ Մասնավորապես` Աթենք ուղևորվելուց առաջ պետք է  https://travel.gov.gr  կայքում հատուկ ձևաթուղթ լրացնեն։