stopcov.ge հատուկ կայքից պարզում ենք, որ Վրաստանում կորոնավիրուսով վարակվածների թիվը շարունակում է  ավելանալ:

Մարտի 24-ի ժամը 19:30-ի դրությամբ՝ վարակվածների թիվը 70 է, ժամը 13-ի դրությամբ՝ 67 էր, իսկ առավոտյան՝ 5 նոր դեպք էր հաստատվել:

Կարանտինում 4055 մարդ է, ստացիոնարում՝ 252, ապաքինված է համարվում 9 մարդ:

Մառնեուլիից մարտի 22-ին Թբիլիսի տեղափոխված 62-ամյա կնոջ ընտանիքի 4 անդամների մոտ ևս կորոնավիրուս է հաստատվել:

Մասնագետները Վրաստանում կորոնավիրուսի պիկին սպասում են 3 շաբաթից, քանի որ պիկ լինում է առաջին արձանագրված դեպքից մոտավորապես 7-8 շաբաթ անց:

Կեսգիշերից հետո մայրաքաղաք Թբիլիսիի տարբեր փողոցներ ախտահանվելու են, քաղաքապետարանից ասել են, որ վտանգավոր ոչինչ չկա:

Մառնեուլին ու Բոլնիսին շարունակում են փակ մնալ, քաղաքացիների տեղաշարժը հասցվել է նվազագույնի: