«Իշխող կուսակցության հետ սկսած երկխոսությունից հրաժարվելը վնաս է մեր երկրի համար», — այս մասին հայտարարել է Թբիլիսիի քաղաքապետ Կախա Կալաձեն՝ անհրաժեշտ համարելով ընդդիմություն-իշխանություն երկխոսության վերականգնումը:
Կալաձեի խոսքով՝ ընդդիմության քայլը կվնասի ինչպես ընդդիմությանը, այնպես էլ ողջ երկրին: Նա քաղաքական հակառակորդին կոչ է անում հնարավորինս շուտ վերադառնալ բանակցությունների սեղանին:
«Եթե համաձայնության գանք սահմանադրական փոփոխությունների շուրջ և որոշ փոփոխություններ կատարենք, ապա հնարավոր է ավելի շուտ պայմանավորվածություն ձեռք բերել ընդդիմության հետ: Ժամանակն է, որ նշեմ՝ պետք է հնարավորինս շուտ հասնել համաձայնության», — ասաց Կալաձեն:
Ըստ Կալաձեի, եթե պայմանավորվածություն ձեռք չբերվի, ապա 2020 թվականի ընտրությունները կանցկացվեն գործող համակարգով:
2020 թվականի փետրվարի 10-ին Վրաստանի Գերագույն դատարան Թբիլիսիի նախկին քաղաքապետ Գիգի Ուգուլավան մեղավոր ճանաչվեց հիմնադրամի գործով գումար յուրացնելու մեջ և դատապարտվեց 3 տարվա և 2 ամսվա ազատազրկման: Դրանից հետո ընդդիմադիր կուսակցությունները հրաժարվեցին բանակցություններ վարել իշխող կուսակցության հետ՝ պայմանավորվելով ապրիլի 4-ին՝ ժամը 16:00-ին, բողոքի ցույց անցկացնել Ռուսթավելի պողոտայում:
