Վրաստանի միավորված ընդդիմությունը սկսել է «Սև ցուցակներ» կազմել։ Լեյբորիստական կուսակցության գրասենյակում ընդդիմության հերթական հանդիպումից հետո ՄԱՇ-ի անդամ Թինա Բոկուչավայի պարզաբանմամբ, ցուցակում ընդգրկվել են հիմնականում այն պաշտոնյաները, որոնք չարաշահել են իրենց լիազորությունները։

«Այս ցուցակը հիմնականում վերաբերում է միջին և ստորին շարքերին, իրականացնողներին՝ դատավորներին, դատախազներին և ոստիկաններին»,- հայտարարել է Բոկուչավան։

Ընդդիմության ներկայացուցիչների խոսքով, նշված ցուցակը փոխանցվելու է արևմտյան գործընկերներին, որի նպատակը կլինի հնարավոր պատժամիջոցների սահմանումը, կլինի դա ֆինանսական, թե տեղաշարժվելու սահմանափակումներ։

Միավորված ընդդիմությունը պատրաստվում է նաև կազմել տուժած մարդկանց ցուցակը։