Վրաստանի առողջապահության նախարարությունը  6  հիվանդանոցի է տուգանել՝   600 հազար լարիի չափով (ավելի քան 200 հազար դոլար)։ Պատճառը կլինիկաներում կատարված մեծ թվով կեսարյան հատումներն են։

Վրաստանում  2017 թվականի մարտի 1-ից կլինիկաներին կեսարյան հատումների համար   լիմիտ էր սահմանել։ Տարվա ընթացքում կեսարյան հատում անել թույլատրվում է  ընդհանուր ծննդաբերությունների միայն  40% դեպքերում։ Այս ցուցանիշը գերազանցած կլինիկաները տուգանվում են։

Միաժամանակ, կառավարությունը խորհրդատվություններ է մշակել, ըստ որոնց բժիշկը պարտավոր է  ծննդկանին պատմել հնարավոր բարդությունների ու ռիսկերի մասին։

Համընդհանուր առողջապահական ծրագրի շրջանակներում կեսարյան հատումների քանակը գերազանցելու համար 2019-ին տուգանվել են․

Թբիլիսիի պետական համալսարանի 1-ին համալսարանական կլինիկան՝  49,8 հազար լարի
Բաթումիի Իաշվիլիի անվան մոր և մանկան կենտրոնական կլինիկան՝ 149,7 հազար լարի
«Էմբիրիո»՝ 111,9 հազար լարի
Լերի Խոնդելիձեի անվան կլինիկա՝ 115,8 հազար լարի
Քութայիսիի նոր ծննդատուն՝  99,9 հազար լարի
Քութայիսիի  №3 ծննդատուն՝ 49,5 հազար լարի
Բացի այդ՝ դադարեցվել է Քութայիսիի №3 ծննդատան՝ մանկաբարձության և գինեկոլոգիայի կարգավիճակը։

Հիվանդությունների վերահսկման կենտրոնի տվյալներով՝ Վրաստանում 2000 թվականից կեսարյան հատման ճանապարհով  ծննդաբերությունների թիվն աճել է 4,3%-ով, իսկ 2017 թվականին կազմել է երկրի  ծննդաբերությունների ընդհանուր թվի 44,7%-ը։

2018 -ի սահմանափակումներից հետո կեսարյանների թիվը գրեթե  3% կրճատվել է՝ կազմելով 41,6%։

Վրաստանում կեսարյանների թիվը 3 անգամ գերազանցում է առողջապահություն համաշխարհային կազմակերպության խորհրդատվությունը։

Ամենամեծ ցուցանիշը Սամեգրելո շրջանում է՝ Զեմո Սվանեթի (51%), հաջորդում են Իմերեթին (41%), Աջարիան (40%), Կախեթին (38,5%) և Թբիլիսին (37,5%)։

Վրաստանի համաշխարհային առողջապահական ծրագիրը ֆինանսավորում է ֆիզիոլագիական ծննդաբերությունները՝ 500 լարիի չափով (մոտ 170 դոլար), կեսարյանով ծննդաբերությունները՝ 800 լարիով (մոտ 270 դոլար). Եթե կեսարյան հատում է արվում ոչ բժշկական ցուցումներով, այլ ծննդկանի պահանջով, ապա  պետությունը վճարում է ոչ թե 800, այլ 500 լարի։