Աշնանը Վրաստանում ուսուցչի աշխատավարձը կավելանա 150 լարիով։ Այս մասին Բաթումիում կրթության և գիտության քաղաքի նախագիծը ներկայացնելիս վստահեցրել է վարչապետ Մամուկա Բախտաձեն։
Նա նշել է, որ կրթական բարեփոխումների ծրագրի շրջանակներում դրանից հետո մանկավարժների աշխատավարձերը պարբերաբար կբարձրանան․ «խոստանում եմ, 2022 թվականին Վրաստանում ուսուցչի նվազագույնը աշխատավարձը կկազմի 1500-ից մինչև 1800 լարի»։
Բախտաձեի պարզաբանմամբ, երկիրը որը չի գնահատում ուսուցչի ներդրումը, ոչ միայն ապագա չի ունենա, այլև կարող է մոռանալ անցյալը: Կառավարության ղեկավարը նշել է, որ Վրաստանում ուսուցչի ցածր աշխատավարձն իր համար անձնական ողբերգություն է:
