Թբիլիսիի մետրոյի «Դելիսի» կայարանում յուղի տաքացման պատճառով մեքենավարը խնդրել է ուղևորներին լքել գնացքը: Տեղեկացնում է Թբիլիսիի տրանսպորտի ծառայությունը:
Մետրոյի երկրորդ գծում տեղի ունեցած պատահարի մասին հայտարարել էին սոցցանցերի օգտատերերը:
Այս պահի դրությամբ արդեն մետրոն աշխատում է բնականոն ռեժիմով:
Հիշեցնենք՝ վերջին շրջանում Թբիլիսիի մետրոպոլիտենը հաճախ խախտումներով է աշխատում: Այս մասին գրում են լրատվամիջոցները՝ նշելով, որ տեխնիկական խնդիրների պատճառով մի քանի անգամ գնացքները Դեպո են տեղափոխվել՝ ինչը մետրոյի աշխատանքը կաթվածահար է արել:
