Ամերիկացի ամուսիններ Էնդրյու և Ադրիանա Մըքդերմոթները հարսանիքի 7-րդ տարեդարձը նշել են վրացական ազգային տարազի հայտնի հագուստներով: Էնդրյուն՝ չոխայով, շիկահեր Ադրիանան՝ ավանդական սպիտակ զգեստով:
Սիրահարված զույգի լուսանկարները հայտնվել են Forbs պարբերականում: Վրաստանի հետ երիտասարդ զույգին ոչինչ չի կապում, բացի նրանց նախաձեռնած ավանդույթից:
Էնդրյուն և Ադրիանան աշխարհով սկսել են ճանապարհորդել 2014 թվականից, որոշում են կայացրել ամեն տարի հարսանիքի օրը նշել ընտրած մի երկրի ավանդույթներով: Ճանապարհորդությունների ընթացքում նրանք արդեն հասցրել են համատեղ կյանքի տոնը նշել Հնդկաստանի, Քենիայի և Ճապոնիայի տարազներով:
«Մենք հորինել ենք այս ավանդույթն այն բանից հետո, ինչ մայրս արդեն 40 տարի հարսանիքի օրը հագնում էր իր հարսանեկան զգեստը»,- ասում է Ադրիանան:
