Թբիլիսիում այսօր առավոտյան (ժամը 11:00-ի սահմաններում) կողոպտվել է Գլդանի թաղամասում գտնվող «Վրաստանի բանկի» մասնաճյուղերից մեկը: Rustavi 2-ը տեղեկացնում է, որ բանկ ներխուժածները փախուստի են դիմել՝ հետները պատանդ վերցնելով:

Ականատեսների տեղեկատվությամբ, երեք դիմակավոր անձինք տարածքը լքել են այն բանից հետո, երբ մի աղջկա նստեցրել են մեքենան: Լրատվամիջոցը փոխանցում է, որ հանցագործները ոստիկանության աշխատակիցների ուղղությամբ կրակ են բացել:

Հրաձգության հետևանքով վնասվել են մեքենաներ և խանութներ:

Ավելի ուշ ՆԳՆ-ն հաստատել է, որ բանկից փողեր են հափշտակել, իսկ վերցրած պատանդին ազատ արձակել։ Միջոցներ են ձեռնարկվում հանցագործներին գտնելու ուղղությամբ։