Վրաստանի կենտրոնական բանկի տվյալներով, այս տարվա 11 ամիսներին վրացի զբոսաշրջիկները արտերկրում ծախսել են 1,5 մլրդ լարի (մոտ 576 մլն դոլար). Վճարումները կատարվել են վրացական բանկերի քարտերով, տեղեկացնում է «Իմեդի» հեռուստաընկերությունը։

Հիշյալ տվյալները 31% ավելի են նախորդ տարվա նույն ժամանակահատվածի ցուցանիշից։

Միայն նոյեմբերին Վրաստանի քաղաքացիները վրացական քարտերով տարբեր երկրներում ծախսել են 170,4 մլն լարի, ինչը նախորդ տարվա նույն ժամանակահատվածի ցուցանիշը գերազանցում է 44 մլն-ով։