Վրաստանի վարչապետ Մամուկա Բախտաձեն Բրյուսելում հանդիպել է վրացական համայնքի ներկայացուցիչների հետ:
Կառավարության լրատվական ծառայությունից հայտնում են, որ վարչապետը խոսել է Վրաստանի կառավարության և Վրաստանի սփյուռքի ներկայացուցիչների կողմից իրականացվող բարեփոխումների մասին: Վարչապետը նշել է, որ կրթության ոլորտում արմատական փոփոխություններ են եղել և կառավարությունը ծրագրում է ստեղծել այնպիսի միջավայր, որը թույլ կտա արտասահմանում բնակվող Վրաստանի քաղաքացիներին իրենց հայրենիքում ներդրումներ կատարել:
Հանդիպմանը նաև անդրադարձ է եղել կառավարության այն նախաձեռնությանը, ըստ որի՝ սփյուռքի կիրակնօրյա դպրոցներում հատուկ եռակողմ ձեռնարկ է ստեղծվել. մայրենի լեզվի ուսուցման հետ մեկտեղ արտասահմանում ապրող Վրաստանի քաղաքացիները կսովորեն նաև Վրաստանի պատմություն, աշխարհագրություն և մշակույթ: Դասագրքերը Բելգիայում գործող կիրակնօրյա դպրոցներին է հանձնել Վրաստանի արտաքաին գործերի նախարար Դավիթ Զալկալիանին:
