Վրաստանցի երիտասարդին, ով Հայաստանի Հանրապետության տարածքում վթարի է  ենթարկվել, օգնել են տեղի բնակիչները՝ մինչ փրկարարների ժամանելը:

Վրաստանի քաղաքացու ավտոմեքենան վթարվել է ՀՀ-ի Սյունիքի մարզում՝ հաղորդում է Սպուտնիկ գործակալությունը՝ հղում անելով Վրաստանի արտակարգ իրավիճակների ծառայության տեղեկատվությանը: Դեպքը տեղի է ունեցել առավոտյան, Կապան-Քաջարան ավտոճանապարհին: Մերսեդես մակնիշի ավտոմեքենան դուրս է եկել ճանապարհի երթևեկելի գոտուց և 200 մետր գլորվել ձորը:

Տեղի բնակիչները տուժած վարորդին դուրս են բերել մեքենայից, տեղափոխել հիվանդանոց՝ դեռևս մինչ փրկարար ուժերի դեպքի վայր հասնելը:

Տուժողը 1989 թվականին ծնված Զուրաբ Էտիպաշվիլին է, այս պահին բժիշկները նրա վիճակը  գնահատում են միջին ծանրության:

Նյութի աղբյուր՝ sputnik-georgia