Ծնունդով հայ, ռուսաստանցի գեղասահորդ Եվգենյա Մեդվեդևան (Բաբասյան) Փհենչհանում անցկացվող Ձմեռային Օլիմպիական խաղերում աշխարհի նոր ռեկորդ է սահմանել՝ կանանց կարճ ծրագրի թիմային մրցույթում:

18-ամյա Մեդվեդևան գերազանցել է նախկինում իր իսկ սահմանած ռեկորդը՝ հավաքելով  81.06 միավոր:

Հիշեցնենք` Ռուսաստանը ներկայացնող մարզիկները Օլիմպիադային մասնակցում են չեզոք դրոշի ներքո և «Օլիմպիական մարզիկները Ռուսաստանից» անվամբ թիմով այն բանից հետո, երբ Միջազգային օլիմպիական կոմիտեն արգելեց Ռուսաստանին մասնակցել Ձմեռային Օլիմպիական խաղերին:

Լուսանկարը՝ sport-express.ru կայքից