Կիև-Թբիլիսի չվերթն իրականացնող ուկրաինական ավիաընկերության ինքնաթիռը վթարային վայրէջք է կատարել Թբիլիսիի միջազգային օդանավակայանում:

Թբիլիսիի միջազգային օդանավակայանից լրատվամիջոցներին հայտնել են, որ նախնական տվյալներով վթարային վայրէջքի պատճառը արգելակների անսարքությունն է եղել:

Վայրէջքի պահի Թբիլիսիի միջազգային օդանավակայանում մոբիլիզացվել են արտակարգ իրավիճակների ծառայության աշխատակիցները։

Ուկրաինական ավիաընկերությունը տեղեկացրել է, որ ինքնաթիռի անձնակազմը գործել է անվտանգության բոլոր պահանջներին համապատասխան։ Ուղևորներից և անձնակազմի անդամներից ոչ ոք չի տուժել:

Այս պահին ինքնաթիռը տեխնիկական զննում է անցնում: