«Վրաստանի ընդդիմադիր «Միացյալ Ազգային շարժում» կուսակցության կողմից պարգևատրումների ու մրցանակների մասին խոսակցությունները անհարմար են», -այսպես է արտահայտվել Թբիլիսիի քաղաքապետ Դավիթ Նարմանիան` ավագանու նիստի ժամանակ:
Քաղաքապետը նշել է, որ «Միացյալ Ազգային շարժում» կուսակցությունը Թբիլիսիի բնակչության համար նախատեսված գումարները միայն կեղծ քարոզչության վրա է ծախսել:
«Ողղակի անհարմար է. երբ դուք էիք իշխանության, քաղաքապետարանի բյուջեից հավելավճարների եւ նպաստների տեսքով հսկայական չափի գումարներ էիք վատնում: Այո, հենց ձեր բարձրաստիճան պաշտոնյաները` այդ թվում նրանք, ովքեր այժմ նստած են ու գումարներ են ստանում, որը Թբլիսիի բնակիչների եւ նրանց բարեկեցության համար պետք է ծախսվեր»,- ասել է քաղաքապետը` համեմատելով, թե բոնուսների համար որքան գումար է ծախսվել այն ժամանակ, և որքան` հիմա:
Թբիլիսիի քաղաքապետ խոսքով` այս Կառավարությունը մրացանակների ֆոնդի ծախսերը նվազագույնի է հասցրել:
«Վերջին 4 տարիների ընթացքում ծախսել եք ավելի քան 15 միլիոն լարի: Երկու տարվա ընթացքում ճանապարհները քանդվեցին, առաջացան փոսեր, վնասվեցին քաղաքի ենթակառուցվածքները: Այս անգործության համա՞ր էիք հսկայական գումարներ վերցնում», — հայտարարել է Նարմանիան:
