«Թբիլիսիի մարդու իրավունքների տուն»-ը (Human Rights House Tbilisi), որն իր հերթին միավորում է մի քանի իրավապաշտպան կազմակերպությունների, պատրաստվում է դիմել Վերաքննիչ դատարան չեղարկելու հայցով հիմնադրամի հաշիվների վրա կալանք դնելու Քաղաքային դատարանի որոշումը: Կազմակերպությունը նաև դատախազությանը կոչ է արել դադարեցնել հետաքննությունը և վերացնել կազմակերպության հաշիվների վրա կալանքը։
Հիմնադրամը մեկն է այն հինգ հիմնադրամներից, որոնք այս կամ այն կերպ աջակցում են եվրոպամետ բողոքի ցույցերի ընթացքում տուժած մարդկանց, այդ թվում՝ տուգանքների վճարմամբ, խոշտանգումների զոհերին հոգեսոցիալական օգնություն ցուցաբերելով, քաղբանտարկյալների ընտանիքներին օգնելով և այլն։
Իրավապաշտպանների պնդմամբ` այն, ինչ հիմա Վրաստանում իրականացնում է «Վրացական երազանք»-ը` քայլ է դեպի բռնապետություն։
Human Rights House-ը նշել է, որ իր բոլոր հաշիվների սառեցման պատճառով ստիպված է եղել կասեցնել բոլոր ծրագրերը և դադարեցնել օգնություն տրամադրել բոլոր շահառուներին, այդ թվում՝ եվրոպամետ բողոքի ակցիաներից դուրս գտնվողներին:
