Լրագրողական էթիկայի վրացական խարտիան համերաշխություն է հայտնել «Ազատություն» ռադիոկայանին, որը զրկվել է Դոնալդ Թրամփի վարչակազմի կողմից ֆինանսավորումից և դիմել է Եվրամիության երկրների կառավարություններին և մասնավոր հիմնադրամներին աջակցության համար:
Մարտի 19-ին հրապարակված հայտարարության մեջ Խարտիան նշել է, որ ավելի քան 75 տարի «Ազատություն» ռադիոկայանը եղել է անաչառ լուրերի և վստահելի վերլուծությունների հիմնական աղբյուր Եվրոպայի, Կենտրոնական Ասիայի և Մերձավոր Արևելքի երկրների միլիոնավոր մարդկանց համար, որտեղ նրանց կառավարությունները սահմանափակում են տեղեկատվության հասանելիությունը:
«Ազատություն ռադիոկայանի դերը Վրաստանում բացարձակապես յուրահատուկ է: Անկախություն ձեռք բերելուց հետո Թբիլիսիում հնարավոր դարձավ բացել տեղական բյուրո, որը շուտով դարձավ տեղական մեդիա դաշտի օրգանական և կարևոր մասը։ «Ազատություն» ռադիոկայանի վրացական խմբագրակազմը տեղական լրատվամիջոցների հետ կողք կողքի գրել է վրացական ժամանակակից լրատվամիջոցների պատմությունը»,- նշել է Էթիկայի խարտիան։
Կարդացեք նաև.
