Վրաստանի Սամցխե-Ջավախեթիի շրջանում աշխատում է 97 գյուղական բժիշկ, որոնց մեծ մասը՝ 67 տոկոսը, չունի ընտանեկան բժշկի որակավորում. այս եզրակացությունը պատկանում է Պետական աուդիտի ծառայությանը:
Եզրակացության համաձայն՝ ըստ շրջանների ամենաշատը չհավաստագրված գյուղական բժիշկներ Սամցխե-Ջավախեթիում են։ Սույն աուդիտի հաշվետվությունն ընդգրկում է 2023 թվականի և 2024 թվականի առաջին կիսամյակի վերանայումը:
Աուդիտը ցույց է տալիս, որ պետությունը չունի գյուղաբնակ բժիշկների վերապատրաստման որևէ ծրագիր, որը թույլ կտա նրանց որակավորումը բարձրացնել և մասնագիտորեն զարգանալ: Նշված է՝ վերոնշյալ հանգամանքը կարող է բացասաբար ազդել բժիշկների արտադրողականության վրա, քանի որ ընտանեկան բժիշկները գրեթե 60 տոկոսով ավելի շատ են այցելում հիվանդներին, քան բժշկական այլ ոլորտների բժիշկները:
Աուդիտը հրապարակել է նաև ընտանեկան բժշկության վկայականների վերաբերյալ տվյալներ։ Սամցխե-Ջավախեթիում գյուղի 62 բժիշկ նույնիսկ տեղեկանք չունի, սակայն յուրաքանչյուրը ամսական միջինը 40 հիվանդ է ընդունում: Այս շրջանում միայն 32 բժիշկ ունի նման վկայական։
Գործակալությունից ստացված հանրային տեղեկատվության հիման վրա վրաստանյան toktv.ge-ին հայտնել են՝ ընտանեկան բժիշկների թիվը, ըստ քաղաքապետարանի, բաշխված է հետևյալ կերպ.
- Ադիգենի մունիցիպալիտետի 36 գյուղերում ապրում է ավելի քան 15 հազար մարդ. կա 13 գյուղական բժիշկ։
- Վրաստանի ազգային վիճակագրական ծառայության տվյալներով՝ Ասպինձայի մունիցիպալիտետի 23 գյուղերում կա ավելի քան 7500 բնակիչ, այստեղ աշխատում է 8 գյուղական բժիշկ։
- Ախալքալաքի 64 գյուղերում կա ավելի քան 35 հազար բնակիչ. 24 գյուղական բժիշկ կա:
- Ախալցիխեի 46 գյուղերում և բնակավայրերում ապրում է գրեթե 21 հազար մարդ, որոնց սպասարկում են 19 գյուղական բժիշկներ։
- Բորջոմիի մունիցիպալիտետի 39 գյուղերում և Բակուրիանի քաղաքում ապրում է մոտ 15 հազար մարդ. կա 16 գյուղական բժիշկ։
- Նինոծմինդայի 31 գյուղերում ապրում է մոտ 20 հազար մարդ. աշխատում է 17 գյուղական բժիշկ։
Ստացված հանրային տեղեկատվության համաձայն՝ Սամցխե-Ջավախեթիի գյուղերի բժիշկները նախորդ տարվա սեպտեմբեր, հոկտեմբեր և նոյեմբեր ամիսներին ընդհանուր առմամբ ընդունել են ավելի քան 13 հազար 500 հիվանդի։
Նույն աղբյուրի համաձայն՝ գյուղական ամբուլատորիաներում աշխատող բժիշկների աշխատավարձը՝ ներառյալ հարկերը, կազմում է 1362,50 լարի։
Սկզբնաղբյուրը՝ toktv.ge
