Թբիլիսիի պետական համալսարանի իրավագիտության ֆակուլտետի դասախոս Թամար Տատանաշվիլին սոցցանցում գրել է, որ իրեն քաղաքական պատճառով ազատել են աշխատանքից։
Նա նշել է, որ «գործակալների մասին» օրենքի ընդունումից հետո համալսարանում հատկապես նկատելի էին ճնշումներն ու անարդար վերաբերմունքը։
«8 տարվա գործունեությունից հետո ԹՊՀ իրավաբանական ֆակուլտետը որոշեց, որ իրավաբանական ֆակուլտետն այլևս իմ կարիքը չունի: Ինձ համար զարմանալի չէր կատարվածը, որովհետև ճնշումներն ու անարդար վերաբերմունքը հատկապես նկատելի էին «գործակալների մասին» օրենքի ընդունումից սկսած: Եթե այն ժամանակ չէին հասկանում, թե «ինչն է ռուսական այս օրենքում», հիմա կարող եք տեսնել անուններով և ազգանուններով», — գրել է նա:
Տատանաշվիլին նշել է, որ աշխատավարձը նախատեսում էր ծախսել մոր բուժման համար։
«Թող 200 լարին էլ, 2000-ն էլ ձեզ լինի, բոլորդ, ովքեր սա արեցիք` ձեր ամեն թեթրին մինչև կյանքի վերջ կլինիկաներում ծախսեք»,- գրել է նա։
